احتاجيتك حبيبي

احتاجيتك حبيبي وانت ماجيت

ووكعت بضيج ردتك انت تسندني

بس انت حبيبي معاند وياي

ياقاسي الكلب من كلشي حارمني

لامره افهمت لا كتلي شبيك

شايفني بعذابي وماتكلمني


من انه وكعت ماهمك الصار

ومسويلي نفسك عود تفهمني

ياناسي حبيبك الا انساك

يالخنت العهد ماعاد تلزمني

كبل جنت انة ادور واحد اهواه

وهسة هواي يامحبوب سمني

وحدة تكول اريده وارد اعيش وياه

ووحده تكول بلكت قلبه يفهمني

بس اني أحبك انت والله

وكل تقصير ابدآ مابدر مني

والقــــلب الي حبك شحجي وياه

سواني جرح وكل ساعة يلجمني

تحملني منيه وتكلي راح انساك

وك النسيان اعرفه لاتعلمني

وتمثل عليه الدور بأتقان

مو انه الغشيم وبيه تغشمني

صدك انة اعرفك واحفظك زين

بس نفسك تحب وهذا الآلمني

جنت امرآيه بيه الحسنك تشوف

وهسه اطشرت ماتكدر تلمني



تحياتي